Ferran Torres është kthyer në një çështje më vete te Barcelona. Interesi për heroin e finales së Kupës së Botës është rritur ndjeshëm ditët e fundit.

Për spanjollin ka interes konkret nga PSG dhe Manchester City. Madje është përmendur vazhdimisht që klubi parizien ka arritur marrëveshjen për kushtet personale me lojtarin.

Barça ende e konsideron atë një aset të rëndësishëm dhe dëshiron të rinovojë kontratën e tij që skadon në qershor të vitit të ardhshëm, pavarësisht tetë milionë eurove që do të duhet t’i paguhen Manchester City-t, siç përcaktohet në marrëveshjen mes palëve në janar të vitit 2022.

Plani i bordit të Barcelonës është ta zyrtarizojë rinovimin në shtator, sapo të mbyllet afati i transferimeve të verës, për arsye të fair-play-t financiar.

Megjithatë, drejtuesit e Barcelonës janë të hapur për largimin e Ferran Torres, por duhet të jetë ky i fundit që duhet të kërkojë largimin nga klubi. Në rast largimi, katalanasit presin të fitojnë 50 milionë euro nga shitja e mundshme e sulmuesit.