Liverpool duket se do të hidhet në sulm për të marrë mbrojtësin e Benfica-s, Antonio Silva.

Reds, të cilët pësuan 64 gola në 58 ndeshje sezonin e kaluar, besohet se janë në kërkim të një qendërmbrojtësi të nivelit të lartë.

Ata humbën Joel Matip pas skadencës së kontratës së lojtarit më herët në qershor.

Sipas GiveMeSport, Liverpool aktualisht po e ndjek Silva me synimin për ta nënshkruar atë këtë verë.

Megjithatë, klauzola e lirimit prej 86 milionë £ (rreth 100 milionë euro) e lojtarit mund të jetë një pengesë e madhe.

Silva, kontrata aktuale e të cilit do të skadojë në qershor 2027, është titullar vendimtar për Benfica-n që nga debutimi i tij në 2022.

Ai ka shënuar shtatë gola në 94 ndeshje të luajtura në total për skuadrën portugeze.

Reds, të cilët ende nuk kanë nënshkruar me një lojtar të vetëm këtë verë, po monitorojnë gjithashtu qendërmbrojtësin e Wolfsburg, Maxence Lacroix.