Të rinj, me potencial dhe që mund të shiten. Diktati i Oaktree ka modifikuar nëse nuk ka ngadalësuar strategjitë e drejtuesve të Interit në merkato.
Nëse fondi do ta kishte marrë klubin disa muaj më parë, ka gjasa që Zielinski dhe Taremi të mos ishin marrë.
Rruga është pra e qartë, nuk është rastësi që Hermoso dhe Ricardo Rodriguez u refuzuan si të zëvendës Bastoni, të dy të vlerësuar shumë nga Inzaghi, me Ausilio dhe bashkëpunëtorët e tij që po shkojnë drejt profileve të ardhshme si Zeze, Renan dhe Gasiorowski.
Duke mbetur në mbrojtje, Interi është ende në gjurmët e një prej perspektivave më interesante italiane: Giovanni Leoni, një 17-vjeçar nga Sampdoria i cili tashmë bëri debutimin e tij në Serie B vitin e kaluar me Andrea Pirlo-n.
Zikaltrit po e ndjekin prej muajsh dhe tashmë janë takuar disa herë me përfaqësuesit e djalit që padyshim pëlqehet edhe nga skuadrat e tjera të mëdha të Serisë A.
Megjithatë, duke folur në ‘PadovaSport Tv’, drejtori sportiv i Padova Massimiliano Mirabelli, ish-drejtues i Milan-it, njoftoi se e ardhmja e lojtarit të datëlindjes 2006 do të jetë me siguri te zikaltrit:
“Unë e di që Interi është përpara dhe mendoj se lojtari do të shkojë atje, – tha Mirabelli. – Ata janë shumë të interesuar, kam folur me ta së fundmi dhe ata po kërkojnë një marrëveshje me Sampdoria-n”.
Leoni u rrit te Padova dhe u shit te Sampdoria shkurtin e kaluar:
“Do të marrim 10% nga rishitja e ardhshme, – zbuloi Mirabelli, – kështu që do të jenë më shumë para që do të hyjnë në arkat tona”.
