Kthesë 180 gradë në të ardhmen e Martin Zubimendit. Kur gjithçka dukej se mesfushori i Real Sociedad do të ndryshonte skenë këtë verë, kampioni i fundit europian me Kombëtaren spanjolle ka vendosur të vazhdojë me ekipin e San Sebastian dhe të refuzojë një ofertë marramendëse nga Liverpool, i cili ishte gati të paguante klauzolën e lirimit prej 60 milionë eurosh.
Vazhdimësia e Martin Zubimendit është lajmi më i mirë për momentin për një Real Sociedad që kishte frikë nga më e keqja me lojtarin e rritur ne San Sebastiani. Te Liverpool gjithçka ishte përgatitur për ardhjen e tij pasi futbollisti, siç kishte raportuar kjo media para disa javësh, kishte thënë “po”.
Marrëveshja ishte totale. Skuadra e kuqe po fërkonte duart me nënshkrimin e një lojtari që do të bëhej kryesor ne skemat e Slot, por, më në fund, Martín Zubimendi ka vendosur të vazhdojë te Real Sociedad, duke injoruar sirenat që vijnë nga klubi i Liverpoolit.
Largimi i tij do të ishte një pengesë e rëndë për projektin e bardhebluve. Humbja e një futbollisti të kalibrit të Zubimendit do të ishte një problem i vështirë për t’u zgjidhur. Mbulimi i boshllëkut të tij do të ishte një dhimbje koke për Imanol Alguacil, i cili i besoi plotësisht figurës së një futbollisti themelor në skemën Oriotarra.
Ai, së bashku me Merino (drejt Arsenalit) dhe Brais Méndez, përbënin një nga qendrat më të mira të mesfushës në Evropë dhe humbja e dy pjesëve do të ishte një problem i vështirë për t’u zgjidhur. Tashmë me vazhdimësinë e Zubimendit, Real Sociedad arrin një fitore shumë të rëndësishme.
