Julian Alvarez, Sergio Gomez, Joao Cancelo, Tommy Doyle dhe Taylor Harwood-Bells u shitën nga Manchester City në merkaton e verës, ndërkohë që Yan Cuoto, Issa Kabore, Kalvin Phillips dhe Maximo Perrone u larguan në huazim.

Merkatoja tashmë ka përfunduar, por në listën e largimeve Pep Guardiola vijon të veprojë. Ai ka hequr dorë nga shërbimet e një lojtari të akademisë, Joel Ndala, i cili këtë verë u kërkua nga disa klube angleze dhe nga Milani.

“The Athletic” raporton se City ka pranuar ofertën e PSV Eindhoven për huazimin e 18-vjeçarit. Ndryshe nga ligat e tjera, sot në Holandë lejohet të bëhen lëvizjet e fundit të merkatos, edhe pse 31 gushti ka kaluar.

Marrëveshja City-PSV përfshin blerjen e detyrueshme të kartonit të lojtarit, por me disa kushte të paracaktuara në kontratë.