Kush ofron paga më të larta, Arsenal apo Manchester United? Nëse keni qenë kuriozë për këtë, mediat angleze ju vijnë në ndihmë me renditjet specifike të pagave për klubet angleze.

Krahasimi për klubin londinez dhe “Djajtë e kuq” bëhet lehtësisht duke parë kreun e listës së më të paguarve në Londër dhe Manchester. Arsenali, dukshëm, paguan më pak krahasuar me United.

Më i paguari në Londër tashmë është Sterling, me pagë javore 325 mijë paundë. Pas tij renditet gjermani Havertz, me pagë javore 280 mijë. Sulmuesi Gabriel Jesus mbyll podiumin me pagë javore 265 mijë, ndjekur nga Rice (240 mijë paundë) dhe Odegaard (240 mijë paundë).

Renditja e pesë lojtarëve më të paguar të Man. United tregon se në “Old Trafford” është më e lehtë të sigurosh kontrata të majme. Casemiro dhe Fernandes bashkëkryesojnë me pagë javore 375 mijë paundë secili, ndjekur nga Rashford, i cili paguhet 350 mijë paundë në javë.

Mount (250 mijë në javë) dhe Antony (200 mijë në javë) plotësojnë pesëshen e parë. Jo keq, apo jo?