Cristiano Ronaldo ka kritikuar trajnerin e Manchester United, Erik ten Hag dhe tha se klubi duhet të “rindërtojë gjithçka” në mënyrë që të konkurrojë përsëri për trofetë më të mëdha të futbollit. Trajneri holandez është nën presion pas renditjes ne vend te tete te United sezonin e kaluar – më e ulëta në historinë e Premier League – dhe dy humbjeve në tre ndeshjet e tyre hapëse në fillim të këtij sezoni.

Dhe Ronaldo, i cili kishte dy periudha në klub para se të largohej për skuadrën e Arabisë Saudite Al-Nassr, vuri në dyshim mentalitetin e Ten Hag. “Trajneri thotë se ata nuk mund të konkurrojnë për të fituar Ligën [Premier] dhe Ligën e Kampionëve,” i tha ai podcast Rio Ferdinand Presents.

“Si trajner i Manchester United, nuk mund të thuash se nuk do të luftosh për të fituar ligën apo Ligën e Kampionëve. Mendërisht [mund të thuash] ndoshta nuk e kemi atë potencial, por nuk mund ta them këtë. Ne do të përpiqemi, ju duhet të përpiqeni. Ajo që uroj për Manchester Unitedin, është ajo që dëshiroj për mua – [të jem] skuadra më e mirë që munden.

“Unë e dua atë klub… Unë nuk jam ai lloj djaloshi që harroi të kaluarën.”

Në periudhën e tij të parë gjashtëvjeçare te United, Ronaldo fitoi tre tituj të Premier, Ligën e Kampionëve, dy Kupa të Ligës dhe një Kupë FA – si dhe Kupën e Botës për Klube FIFA dhe Community Shield – përpara se të transferohej te Real Madrid në 2009.

Ai iu bashkua United nga Juventusi në gusht 2021 përpara se të transferohej te Al-Nassr në dhjetor 2022.