Na duhet një qendërmbrojtës! Kjo është thirrja e stafit teknik të Real Madrid për drejtuesit e klubit, duke i paraprirë merkatos së verës. Pse jo, operacioni mund të kryhet edhe në janar.
Emri i parë në listë sipas gazetës Marca është mbrojtësi i talentuar i Leipzig, Castello Lukeba. Francezi është vetëm 21 vjeç.
Vlera e tij aktuale në treg llogaritet rreth 50-60 mln euro. Ai u transferua nga Olympique Lyon në kampionatin gjerman në verën e vitit 2023 për 34 mln euro.
Emri i përmendur deri disa javë më parë, por njëkohësisht më i vështirë për t’u arritur, është një tjetër francez. Ai është William Saliba i Arsenalit. Kostoja e tij është mbi 80 mln euro.
