Derbi i Madridit në fundjavë u mbyll 1-1. Ishte një ndeshje e ndikuar nga presioni i tifozëve të Atletico Madrid dhe Real Madrid vuajti për të ruajtur të paktën një pikë.
Ky barazim ishte i treti për madrilenët në katër transfertat e këtij sezoni dhe gjërat nuk duken aq mirë sa vjet. Sipas “Relevo”, drejtuesit e lartë të Real Madrid kanë pakënaqësi me trajnerin Carlo Ancelotti.
Këta drejtues nuk dihet a janë shumica e bordit apo vetëm një pakicë, por nuk janë të bindur nga disa vendime të trajnerit italian. Sipas tyre, me këtë ekip që kanë Los Blancos, skuadra duhet të luajë më mirë.
Ancelotti ka bërë disa zëvendësime të cilat për klubin janë të pavend. Gjithsesi, mbetet të shohim sesa ndryshim do të ketë skuadra me rikthimin e Kylian Mbappe.
