Emocioni është dhurata më e madhe që marrim nga futbolli. Ndeshja e mbrëmjes së kaluar e Italisë dhe Izraelit ishte një arsye e radhës pse ky sport është kaq unik.
Në minutën e 73-të, ndodhi një moment i veçantë në historinë e futbollit italian, kur trajneri Luciano Spalletti aktivizoi djaloshin Daniele Maldini si debutues me Italinë.
Sulmuesi vijoi më tej trashëgiminë e familjes së madhe Maldini në futboll, familje e cila ka përcaktuar një epokë legjendash në kombëtaren e axurrëve, e cila filloi me gjyshin e tij Cesare dhe e vazhdoi i ati, Paolo Maldini.
Kamerat kanë fiksuar këtë moment special, kurse Paolo, ish-drejtor sportiv i Milanit (së fundmi), nuk i mbajti dot lotët kur pa djalin e tij në debutim.