Trajneri i Liverpool, Arne Slot, ka folur për mediat në prag të ndeshjes ndaj Aston Villa. Skuadra e “reds” kryeson renditjen e Premier League dhe synon një rezultat pozitiv ndaj rivalëve.

Holandezi shprehet se rezultatet e deritanishme janë mëse të merituara: “Nuk mendoj se befasia është fjala e duhur për t’u përdorur sepse e dija cilësinë e ekipit tonë. Cilësia është një gjë, të jesh konsistent është gjëja e dytë që na ka dhënë mundësi të jemi këtu”.

“Unë nuk jam aspak i befasuar për këto rezultate sepse që në momentin që kam filluar të punoj me ta kam parë se sa energji kanë vënë në punën ditore. Dhe mendoj se kjo është arsyeja pse jemi kaq konsekuentë në fushë”, tha Arne Slot.

“Ndonjëherë edhe pak fat vjen me këtë punë, por mendoj se shumica e rezultateve tona janë të merituara. Luis Diaz? Jam i kënaqur që po shënon kaq shumë, nuk e di përse po shënon më shumë tani, por për ne është gjë e mirë”, tha Slot.