Marcus Rashford i është përgjigjur lënies jashtë skuadrës provizore të Anglisë për Euro 2024.

Rashford nuk do të udhëtojë për në Gjermani këtë verë pasi Gareth Southgate nuk e ka zgjedhur atë në skuadrën e tij provizore prej 33 lojtarësh, e cila do të shkurtohet në 26 lojtarë për turneun.

Sulmuesi i Manchester United ka postuar në rrjetet sociale një mesazh për Southgate dhe skuadrën e Anglisë përpara Euro 2024.

Në historinë e tij në Instagram, ai hodhi një imazh të skuadrës së Anglisë, shoqëruar me mbishkrimin: “I uroj Gareth-it dhe djemve të gjitha të mirat për turneun e ardhshëm”.

Southgate ka emëruar lojtarë si Anthony Gordon dhe Eberechi Eze në vend të Rashford për Euro 2024.

Trajneri i Tre Luanëve e arsyetoi në këtë mënyrë përjashtimin e 26-vjeçarit: “Këto janë vendime të vështira, po flasim për lojtarë që janë shumë të mirë dhe kanë qenë një pjesë e rëndësishme e gjërave që kemi bërë.

“Thjesht ndjej se lojtarët e tjerë në atë pjesë të fushës kanë pasur sezone më të mira, kaq është”.

Marcus Rashford ka pasur një sezon zhgënjyes.

Ai ka shënuar vetëm tetë gola në 42 ndeshjet e luajtura në të gjitha kompeticionet.

Southgate ka lojtarë të gjerë si Gordon dhe Eze të lartpërmendur, si dhe Bukayo Saka, Cole Palmer dhe Phil Foden, të cilët mund të operojnë në krah.