Historia mes Wanda Nara dhe Mauro Icardit vazhdon të ketë ngjarje të reja, detaje të reja dhe përplasje të tjera. E gjitha kjo ka ndodhur në Buenos Aires, në shtëpinë e Wanda-s, të cilën ia kishte dhënë Mauro-s për ta ndihmuar në rehabilitimin, pas lëndimit të tij në gju me Galatasaray.
Sidoqoftë, gjërat nuk shkuan siç ishte planifikuar; Icardi u nxorr dhe u la jashtë apartamentit. Ky është episodi i fundit në një betejë të gjatë ligjore dhe personale, ku Wanda ka denoncuar Icardin për shpërdorim të dyshuar të parave gjatë ndarjes.
Wanda e kishte lënë shtëpinë e saj në Buenos Aires për Mauro, por i kishte thënë atij të qëndronte deri më 25 nëntor. Kur Icardi vendosi të mos respektonte marrëveshjen, Wanda u paraqit përpara shtëpisë në mes të natës, me disa persona nga rrethi i saj, dhe i tha atij të largohej menjëherë.
Pas refuzimit të tij, Wanda thirri policinë, duke e akuzuar Icardin për fshehje të armëve brenda në shtëpinë e saj. Agjentët kontrolluan apartamentin për pesë orë, por nuk gjetën asgjë. Shkaku i zemërimit të Wanda-s duket të ketë qenë njoftimi i vendimit të divorcit.
Pas ngjarjes, Icardi ka bërë një denoncim si kundërpërgjigje, duke u strehuar te një mik. Ai ka thënë se ish-gruaja i kishte marrë orët, paratë dhe bizhuteritë e tjera me vlerë. Agjentët janë në kontakt të vazhdueshëm me të për të ndjekur zhvillimet e situatës.
Kur mediat lokale e pyetën Wanda-n për shkakun e nxjerrjes së Icardit nga shtëpia, ajo tha: “I dhashë shtëpinë time me zemër, ashtu si do ta bëja ndaj kujtdo tjetër, siç bëj gjithashtu me ish-bashkëshortin tim Maxi Lopez çdo herë që ai kthehet këtu. Por ai mund të qëndronte deri më 25 nëntor, pastaj pata nevojë për të, për arsye personale”.
