Arda Guler e ka të paqartë të ardhmen e tij. Edhe pse është i dashuruar me Real Madridin, mesfushori ofensiv nuk po gjen hapësira të mjaftueshme në Bernabeu.

Turku ende nuk e ka fituar besimin e trajnerit Carlo Ancelotti, i cili heziton ta konsiderojë si titullar, sidomos në ndeshjet e rëndësishme.

Bayer Leverkusen u ofrua ta huazojë për merkaton e janarit, por vetë Guler refuzoi. Për të ka shfaqur interes edhe Borussia Dortmund. Klubi gjerman, madje, është gati ta huazojë me të drejtë blerjeje për një shifër të lartë.

Deri tani, Arda Guler nuk ka marrë një vendim. Ai do të presë nëse mund të bëhet protagonist në Madrid.