Chelsea e mbylli me një barazim pa gola ndeshje ndaj Everton, duke humbur disi terren ndaj kryesuesve të Liverpool. Kjo ishte hera e parë që londinezët nuk shënojnë që nga java e parë në Premier League edhe pse iu afruan disa herë golit.

“Ne e dinim se ishte një sfidë e vështirë ndaj Everton për sa i përket krijimit të rasteve. Çdo skuadër ka hasur vështirësi për të krijuar raste kundër tyre. Sigurisht, ne mund të sulmonim më mirë, por nuk kishte hapësira ​​për Palmer”, tha trajneri i Chelsea, Enzo Maresca.

“Në 30 minutat e fundit provuam diçka ndryshe, por pa sukses. Në ndeshje të tilla, kur nuk krijohen shumë raste, duhet të dish të shfrytëzosh ato pak mundësi që të krijohen. Patëm 2-3 raste dhe duhej të kishim shënuar”, shtoi italiani.

“Gjithsesi, në një sezon e kampionat si ky nuk mund të jesh gjithnjë perfekt. Duhet të luftojmë edhe pse në ndonjë rast mund të gabojmë. Tashmë të mendojmë për sfidën e radhës”, shtoi Maresca.