Simone Inzaghi përjetësisht tek Interi? Presidenti Marotta është duke menduar që të bëjë një dhuratë për trajnerin zikaltër në fundin e këtij viti, që lidhet me rinovimin e kontratës së tij deri në fundin e sezonit 2028.
Simone sapo ka rinovuar deri në vitin 2026, por puna e shkëlqyer e tij dhe ecuria e jashtëzakonshme në të gjitha kompeticionet i detyron drejtuesit që të bëjnë një lëvizje për të kënaqur trajnerin dhe për t’i treguar sa shumë e vlerësojnë.
Sigurisht që interesi që kanë shfaqur ekipet e shumta nga Anglia mund të bëjnë Interin që të nxitojë në këtë aspekt. Që kur ka marrë drejtimin e Interit, skuadra është rritur dhe ai vetë po ashtu. Viti 2024 ka qenë i jashtëzakonshëm për Inzagin dhe në aspektin e shifrave.
