Alessandro Bastoni ka komentuar për “Sky” fitoren 2-0 të Interit ndaj Comos: “Këto janë pikë që peshojnë shumë, në ndeshje ku ndoshta nuk shkëlqejmë 100 për qind. Po luajmë shumë, na mungojnë lojtarë të rëndësishëm, ndërsa ishte i rëndësishëm rikuperimi i Carlos, që mund të mbulojë role të ndryshme”.

Sa i lumtur je për fitoren?
Jam shumë i lumtur, sepse mund të kalojmë një Krishtlindje të qetë. Të gjithë rivalët tanë fituan të dielën, ndaj ishte e rëndësishme të jepnim edhe ne një mesazh, pavarësisht mungesave.

Si u ndjeve duke luajtur në qendër të mbrojtjes?
Como është ekip shumë i organizuar. Kam përvojë në këtë pozicion, si me kombëtaren, ashtu edhe me Interin. U përshtata mirë me Carlos Augusto.

Çfarë ju tha Inzaghi në pushimin e ndeshjes?
Kishte shumë ngutje. Nuk prisnim që ata të na sulmonin kaq lart. Na kërkoi të qëndronim të qetë dhe kjo bëri diferencën.