Gjigantët e Premier League, Liverpool thuhet se ka ofruar 65 milionë sterlina (78 milionë euro) për të nënshkruar me mbrojtësin e Crystal Palace, Marc Guehi në janar.

24-vjeçari anglez iu bashkua The Eagles në vitin 2021 nga Chelsea për 23.34 milionë euro të raportuara.

Aktualisht, Liverpool ka katër qendërmbrojtës – Ibrahima Konate, Joe Gomez, Virgil van Dijk dhe Jarell Quansah.

Megjithatë, Konate është i dëmtuar dhe kontrata e Van Dijk do të përfundojë në verën e vitit 2025, pa asnjë konfirmim për një zgjatje deri më tani.

Sipas Fichajes.net, Arne Slot synon të forcojë mbrojtjen e skuadrës. Raporti thotë se Reds i kanë bërë një ‘ofertë’ prej 65 milionë sterlinash  Crystal Palace për Marc Guehi.

Megjithatë, klubi londinez nuk i konsideron 65 milionë sterlina si shumë të mjaftueshme për Guehi, kontrata aktuale e të cilit zgjat deri në verën e vitit 2026.

Sipas një pretendimi tjetër nga The Sun, Liverpool është zgjedhja e parë e Marc Guehi.