Joshua Zirkzee është padyshim një nga lojtarët më të kërkuar të merkatos së verës.
Me gola, asiste dhe paraqitje të bukura, ai kontribuoi ndjeshëm në kualifikimin historik të Bologna-s në Champions League në sezonin që sapo përfundoi.
Padyshim që performanca e tij nuk kaloi pa u vënë re, me klubet italiane dhe jashtë Italisë të gatshme për t’u fokusuar tek ai për vitin e ardhshëm.
Holandezi Wesley Sneijder foli për të ardhmen e Zirkzee për SkySport:
“Ku do ta shihja mirë? Ndoshta në Itali, po: mendoj edhe te skuadra si Interi apo Milani. Është lojtar shumë i fortë, nuk e kuptova pse nuk shkoi me kombëtaren në kampionatin europian.
“Ai duhej të ishte grumbulluar, 100%. Me siguri këtë sezon do të shkojë te një ekip shumë i fortë”.
