Drejtuesi i Barcelona-s, Deco, e ka mirëpritur emërimin e Xabi Alonsos te Real Madrid.

Barca e kompletoi tripletën vendase sezonin e kaluar, duke e lënë Real Madridin pa trofe për këtë sezon.

Me Xabin që zëvendësoi trajnerin e ri të Brazilit, Carlo Ancelottin, në Real Madrid, Deco pret që rivalët e tyre të përjetshëm të përmirësohen sezonin e ardhshëm.

Ai i tha BBC Sport: “Sezoni i ardhshëm nuk do të jetë i lehtë, sepse e di që së pari, Real Madridi ka shumë lojtarë të nivelit të lartë.

“Sipas mendimit tim, ata kanë një ekip të madh. Ata kanë shumë lojtarë fantastikë. Sigurisht që duan të përmirësohen.

“Është shumë e rëndësishme të kesh një Madrid të fortë. Është shumë e rëndësishme të kesh lojtarë të fortë, lojtarë të nivelit të lartë, lojtarë që njerëzit duan t’i shohin. Mendoj se Madridi ka këta lloj lojtarësh, si ne.

“Tani është e rëndësishme të mbash lojtarët më të mirë në La Liga. Pra, për ne është e rëndësishme që Madridi të jetë i fortë, që Atletico të jetë i fortë dhe ne duhet të jemi atje”.

Deco u pyet përsëri për interesin e Barçës për sulmuesin e Manchester United, Marcus Rashford, dhe Luis Diaz të Liverpoolit.

Ai shtoi: “Ne jemi përqendruar në rinovimin e kontratave, pas kësaj, do të diskutojmë lojtarët që do të vijnë.

“Sigurisht, këta dy lojtarë, siç e përmendët, janë të mirë, por kanë kontrata në klubet e tyre, kështu që nuk do të flasim sepse nuk është e drejtë. Sipas mendimit tim, nuk kemi nevojë të marrim shumë lojtarë”.