Bayer Leverkusen përforëcohet për sezonin e ri. Kampionët e Gjermanisë kanë njoftuar blerjen e Aleix Garcia, protagonistit 26-vjeçar të ecurisë fantastike të Girona në kampionatin e kaluar spanjoll. Ai nënshkroi kontratë me klubin gjerman deri më 30 qershor 2029.

“Aleix Garcia është një lojtar me aftësi të jashtëzakonshme strategjike, pasiimet e tij janë jashtëzakonisht të sakta dhe ai luan me vizion të madh”, tha trajneri Xabi Alonso për mesfushorin 26-vjeçar spanjoll.

“Aleix ka cilësi drejtuese që do të jenë shumë të vlefshme për ne në vitet e ardhshme. Jemi të lumtur që arritëm ta nënshkruajmë me të dhe ai do të jetë një faktor i rëndësishëm në arritjen e synimeve tona ambicioze”, tha më tej trajneri i kampionëve të Gjermanisë.

Garcia, i cili shënoi tre gola dhe siguroi gjashtë asist për Girona sezonin e kaluar, e sheh lëvizjen te kampionët e Gjermanisë si “një gjë e shkëlqyer. “Ashtu si tifozët në të gjithë Europën, unë e admirova Bayer Leverkusen për rezultatet e tyre të jashtëzakonshme këtë sezon që sapo përfundoi”, tha mesfushori.

“Jam i emocionuar që një klub si ky bëri kaq shumë për të më marrë mua. Tani dua absolutisht të përmbush të gjitha pritjet dhe të jap kontributin tim që kjo skuadër dhe klubi të vazhdojë të jetë i suksesshëm”, tha Aleix Garcia.