Kanë kaluar vetëm 516 ditë që nga fitorja historike e Bayer Leverkusenit pa humbje në Bundesliga, me Xabi Alonso në stol. Nga skuadra e atëhershme, që fitoi gjithashtu Kupën e Gjermanisë dhe arriti finalen e “Europa League” 2024, tani kanë mbetur vetëm tre titullarë: Andrich, Schick dhe Grimaldo. Drejtori Fernando Carro thotë: “Ndarja me këtë fazë është e dhimbshme, por e nevojshme”.
Drejtori sportiv Simon Rolfes shton: “Nuk është e mundur të krijosh një skuadër të re dhe të suksesshme me këtë konfigurim”. Trajneri i ri, Kasper Hjulmand, nis rikonstruksionin me sfidën ndaj Eintracht Frankfurtit: “Skuadra më duket emocionuese dhe me potencial të madh”.
Këtë verë, Leverkusen vendosi rekord në blerje (198.15 mln €) dhe rekord në shitje (229.5 mln €), me bilanc pozitiv 31.35 mln €. Lojtarë si Wirtz, Frimpong, Tah, Boniface dhe Xhaka u larguan, por Lucas Vázquez, ardhur nga Real Madridi, mbetet si shembulli për t’i ndihmuar të rinjtë. Rindërtimi ka nisur, me qëllim që të ndërtohet një ekip i fortë, të renditet ndër katër të parët në Bundesliga.
