Emër i ri për mesfushën e Bayern Munich, duke luftuar me një revolucion të vërtetë pas vitit të fundit, shumë zhgënjyes, që i pa bavarezët të përfundonin në vendin e tretë në Bundesligë.

Objektivi, sipas asaj që zbulon “Bild”, është “regjisori” i mesfushës së Interit, Hakan Çalhanoğlu, i freskët nga një super sezon me zikaltrit dhe i lidhur me skuadrën milaneze deri në vitin 2027.

Vlen të theksohet se ata bënë një vizitë këtë javë në selinë e zikaltërve. Dy ndërmjetës tregu me shumë kontakte në Gjermani si Branchini dhe Petralito janë “kumbarët” e kësaj lëvizjeje hipotetike.

Po flasim për mesfushorin më të mirë të Serie A (2023-2024), me 13 gola dhe 3 asiste. Turku mposhti konkurrencën e Theo Koopmeiners të Atalantës dhe Christian Pulisic të Milanit.

Si e shohin mediat italiane këtë çështje – Interi vihet nën presion nga Bayern Munich. Thashethemet e fundit të transferimeve nga Gjermania, që e shohin Hakan Calhanoglu nën vëzhgim nga trajneri i ri i bavarezëve, Vincent Kompany, nuk janë konfirmuar nga klubi zikaltër.

Sipas asaj që raporton “Tuttosport”, në “Viale della Liberazione” nuk ka mbërritur asnjë ofertë për mesfushorin turk, aktualisht i përfshirë në Kampionatin Europian të Gjermanisë.

Lajmet e reja që vijnë nga Turqia, lexojmë në gazetën sportive torineze, sigurojnë hapjen e treguar nga ish-mesfushori i Milanit karshi klubit bavarez, i cili tashmë është gati t’i ofrojë kontratë 4-vjeçare me vlerë 8 milionë euro në sezon, plus bonuse.

“Calha” është një gur themeli thelbësor për mesfushën e Simone Inzaghit dhe konsiderohet pothuajse i patransferueshëm nga klubi, por në moshën 30-vjeçare dhe përballë një çante që përmban 60 milionë euro, drejtuesit zikaltër do të lëkunden në atë moment.

Në të vërtetë, mesfushori turk nuk mund të refuzonte, duke marrë parasysh edhe situatën aktuale të klubit zikaltër me “Oaktree” dhe gjendjen e pashmangshme të shitjes së lojtarëve, të cilës Interi i nënshtrohet vazhdimisht.