Fantazia nuk ka kufij kur bëhet fjalë për të tërhequr vëmendjen e Leo Messit dhe marrë diçka prej tij, ndonjë kujtim të çmuar për gjithë jetën. Kështu ka menduar një tifoz i ri, i cili përgatiti një pankartë të veçantë me shpresën për të marrë fanellën e atij që konsiderohet lojtari më i mirë i historisë.
Para ndeshjes mes Torontos dhe Inter Miami, të shtunën, i riu priti autobusin e skuadrës nga Florida me një mesazh që tingëllonte si një lloj shantazhi. “Nëse e do Antonelën, të lutem ma jep fanellën tënde”, – shkruhej në pankartë, duke sprovuar dashurinë e Messit për bashkëshorten për hir të një fanelle.
Në fund të ndeshjes, e cila u mbyll me barazimin e vakët 1-1, nuk u pa që argjentinasi t’i kishte rezervuar ndonjë fanellë. E megjithatë, në një turmë kaq të madhe, ishte vështirë që Messi ta dallonte pankartën. Sidoqoftë, tifozi i ri tregoi shumë origjinalitet.
⚽️ 🇦🇷 La curiosa petición de un aficionado a Leo Messi:
“Si amas a Antonela, por favor, tíranos tu camiseta” pic.twitter.com/tX9zzIaRDp
— Toni Canyameras (@Canyameridis71) September 29, 2025
