Portieri i Real Madrid, Thibaut Courtois, ka të ngjarë të humbasë ndeshjet e ardhshme kualifikuese të Belgjikës për Kupën e Botës për shkak të një dëmtimi muskulor. Të hënën, Real Madrid njoftoi se Courtois ka një dëmtim në muskulin adductor longus në këmbën e djathtë.

Klubi nuk specifikoi se sa kohë do të qëndrojë jashtë portieri, duke deklaruar se rikuperimi i tij do të vlerësohet. Federata Belge e Futbollit nuk ka komentuar për situatën. Belgjika aktualisht kryeson Grupin J dhe përballet me Kazakistanin të shtunën.

Courtois u kthye në ekipin kombëtar në mars pas një mungese të gjatë për shkak të një mosmarrëveshjeje me ish-trajnerin e tij. Portieri belg kishte disa shqetësime pas ndeshjes kundër Rayo Vallecano (përfundoi 0-0).

Sipas MARCA-s, klubi spanjoll dhe portieri belg kanë vendosur të mos i bashkohen ekipit kombëtar gjatë pushimit ndërkombëtar këtë muaj (duke humbur ndeshjet kundër Kazakistanit dhe Lihtenshtajnit) për të vazhduar rikuperimin e tij dhe për të shmangur rreziqet e panevojshme.

Gjithsesi, dëmtimi i portierit të “los blancos” nuk është serioz, ai pritet të jetë jashtë fushave për 10-12 ditë. Ndaj, ai duhet të ketë kohë të mjaftueshme për t’u rikuperuar në kohë kundër Elche. Nëse ai nuk arrin të rikuperohet, Real Madridi do të udhëtojë më pas në Greqi për t’u përballur me Olympiacos në Ligën e Kampionëve