Trajneri i Getafes, Jose Bordalas është krenar për suksesin e portierit të Valencias, Giorgi Mamardashvili në Euro.

Mamardashvili ka qenë i jashtëzakonshëm për Gjeorgjinë, duke ndihmuar kombin e tij të arrijë në raundin e 1/8-ave.

Bordalas ishte trajner i Valencias kur Mamardashvili erdhi fillimisht për t’u bashkuar me ekipin B, që kishte rënë në Tercera Division në atë kohë.

“Pas vetëm disa seancave stërvitore të gjithë flisnin për të: ‘Ai është i mrekullueshëm'”, kujton Bordalas për AS.

Si çdo gjë në jetë, duhet të kesh pak fat. Jasper Cillessen, i cili ishte numri 1 i padiskutueshëm, u dëmtua. Dhe Bordalás nuk hezitoi.

“Kur e aktivizova në ndeshjen e parë më quajtën të çmendur”, vazhdoi Bordalás. “E pashë atë në stërvitje dhe pashë që ai bëri pritje dhe bëri diferencën. E pashë qartë, nuk kisha asnjë dyshim.

“Ai po rritej, por me punën që bëmë ne pamë se si ai po përmirësohej çdo ditë”.

Të dielën Gjeorgjia përballet me Spanjën dhe Bordalás shtoi: “Trajnerët e kombëtares e njohin mirë dhe e dinë se ai është një portier që transmeton shumë te shokët e tij.

“Ata e dinë se do të përballen me dikë të një niveli të lartë.”