Alvaro Morata i qetëson të gjithë për gjendjen e tij shëndetësore. Një episod i veçantë dukej se e vuri në dyshim sulmuesin spanjoll për finalen e Euro 2024. Gjatë festimeve për fitoren kundër Francës, një tifoz arriti të hynte në fushën e lojës dhe një roje sigurie e goditi aksidentalisht kyçin e këmbës së lojtarit.

Një ndërhyrje që dukej se mund ta nxirrte jashtë loje kapitenin spanjoll, por ai donte t’i qetësonte të gjithë. Sot në mëngjes, Spanja u largua nga hoteli në Monako dhe një Morata i buzëqeshur donte t’i qetësonte të gjithë për gjendjen e tij: “Jam mirë, fizikisht gjithçka është në rregull“, u tha ai gazetarëve të pranishëm.

Më pas edhe sulmuesi spanjoll donte të bënte shaka për atë që ndodhi: “Ishte një ndërhyrje për karton të verdhë”. Kështu, trajneri De la Fuente mund të marrë një psherëtimë të madhe lehtësimi.

Morata do të jetë në gjendje të luajë në finale. Tani mbetet vetëm të kuptojmë se kush do të jetë kundërshtari i “La Roja”. Mbrëmjen e sotme do të luhet gjysmëfinalja e dytë e Euro 2024 mes Holandës dhe Anglisë.