Harry Kane, qendërsulmuesi i Anglisë, ka komentuar kualifikimin e kombëtares së Southgate në finalen e “Euro 2024”, pas fitores me përmbysje ndaj Holandës.

Në Dortmund, skuadra angleze fitoi 2-1, me qendërsulmuesin e Bayern Munich që shënoi golin e barazimit të përkohshëm 1-1 nga penalltia:

“Një mbrëmje speciale, një ndeshje speciale. Ishte një ndeshje e vështirë nga fillimi në fund. E jona ishte performanca më e mirë e këtij Europiani.

Kjo gjysmëfinale u vendos nga detajet, Ollie ishte i jashtëzakonshëm sonte. Jam krenar për të gjithë këta djem, është një rrugëtim i gjatë për të arritur deri këtu.

Tani jemi në finale, kjo ka rëndësi. Kemi shumë karakter dhe elasticitet, e meritojmë këtë arritje”.