Manchester City ka fituar 2-1 ndaj Newcastle, në sfidën e luajtur në “Etihad”, e vlefshme për javën e 27-të në Premier League. “Qytetarët” gjetën avantazhin në minutën e 14-të me Nico O’Reilly, 20-vjeçari shënoi me një goditje të bukur në kufijtë e zonës së rreptësisë, pas asistit të Omar Marmoush.
Në minutën e 22-të, Newcastle barazoi shifrat me golin e Leëis Hall me një goditje të bukur nga distanca, që falë edhe devijimit përfundoi në rrjetë.
Kundërpërgjigjja e “Qytetarëve” ishte e menjëhershme dhe rigjetën sërish avantazhin me Nico O’Reilly, i cili këtë herë shënoi me kokë pas krosimit të Erling Haaland. Pjesa e parë mbyllet 2-1 për Man. City.
Pavarësisht rasteve dhe mundësive sidomos për vendasit në pjesën e dytë, rezultati nuk ndryshoi deri në fund. Manchester City fiton 2-1 dhe tani gjendet vetëm dy pikë larg vendit të parë që mbahet nga Arsenal.
