Shqipëria U-16 u përball me Austrinë në ndeshjen e tretë dhe të fundit të turneut “UEFA Development”. Takimi i zhvilluar në “Shtëpinë e Futbollit” u mbyll me fitoren e Austrisë 3-0.
Trajneri Armand Dama e nisi ndeshjen me këtë formacion titullar: Jurgen Nako (GK), Drion Ibrahimi, Denis Nikolli, Albion Muji, Aend Cekrezi, Joart Mile, Mattia Avni Xhemali, Sebastian Sina (C), Haxhi Rrena, Fabio Hyseni dhe Gentjan Sharka.
Austria kaloi në avantazh që në minutën e 14-të me Jakob Gauglhofer. Në pjesën e dytë, Michael Habisonn shënoi golin e dytë në minutën e 52-të, ndërsa Beni Pottschacher vulosi rezultatin përfundimtar 0-3 në minutën e 86-të.
Pavarësisht rezultateve, ky turne shërbeu si një mundësi e vlefshme zhvillimi për talentet e ardhshme të futbollit shqiptar.
