Një mbrëmje për t’u mbajtur mend për Edin Dzeko. Sulmuesi boshnjak, i cili shënoi një trigolësh për Fenerbahçe, në fitoren 4-3 jashtë fushe kundër Lugano, në ndeshjen e parë të raundit të dytë kualifikues të Champions League, foli për këtë ngjarje të veçantë.

“Mund të them se ishte një ndeshje ndryshe. Luajtëm në një fushë sintetike. E nisëm ndeshjen ngadalë, pastaj mendoj se e nisëm më fuqishëm pjesën e dytë. Ne nuk duhej t’i pësonim ato gola. Gjëja pozitive është se dolëm me fitore, jemi në një situatë të favorshme”, tha Dzeko.

Kur u pyet se si është të punosh me José Mourinho, Edin Dzeko nuk kishte asnjë dyshim: “Mourinho dhe unë e njohim mirë njëri-tjetrin. Ne kemi punuar së bashku për një muaj, ai është një personazh i mrekullueshëm”.

“Është fantastike që ai është në krye të Fenerbahçe. Kur është argëtues është vërtet qesharake, por kur ai është i zemëruar, mund të thuash se është vërtet i zemëruar”, komentoi sulmuesi boshnjak.