Nuk është sekret që gjatë presidencës së Josep Maria Bartomeu, Barcelona kaloi vështirësi të mëdha financiare, aq sa u detyrua t’i thoshte lamtumirë Lionel Messit. E paaftë të paguante pagën e argjentinasit, kriza u thellua edhe më shumë për shkak të pandemisë së Covid-it. Në atë periudhë, klubi negocioi shtyrjen e pagesave të pagave për skuadrën, duke krijuar kështu një “borxh” që u zvarrit për shumë kohë.

Barcelona duhej të paguante edhe shuma të mëdha ndaj disa lojtarëve si Samuel Umtiti, i cili përfitoi plot 20 milionë euro, si dhe ndaj Philippe Coutinho e Lionel Messi. Sipas asaj që ka zbuluar sot gazeta “Sport”, Barcelona më në fund ka përfunduar shlyerjen e këtyre borxheve ndaj lojtarëve. Klubi kishte vendosur t’i shpërndante këto pagesa në tetë këste: dhjetor 2021, 2022, 2023 dhe 2024, dhe qershor 2022, 2023, 2024 dhe 2025. Pagesa e fundit, e parashikuar për më 30 qershor 2025, sapo është konfirmuar nga departamenti financiar i klubit blaugrana.

Në total, Barcelona ka paguar 16 milionë euro për të shlyer detyrimet e prapambetura. Ky borxh përfshinte 20 lojtarë të skuadrës së parë, si dhe trajnerin Ronald Koeman me tre ndihmësit e tij. Lojtarët e përfshirë janë ndër të tjerë: Lionel Messi, Samuel Umtiti, Ousmane Dembélé, Miralem Pjanic, Sergi Roberto, Neto, Dest, Braithëaite, Junior Firpo, Aleñá, Matheus Fernandes, Pedri, Trincao, Ansu Fati, Ronald Araujo dhe Riqui Puig.