Bayern Munich dhe Harry Kane janë në bisedime për të zgjatur kontratën përtej vitit 2027, ndërsa marrëveshja mes palëve është pothuajse totale, pavarësisht zërave për largim. Sulmuesi anglez është i lumtur në Gjermani, gjë që reflektohet edhe në formën e tij. Anglezi ka shënuar 48 gola në të gjitha kompeticionet, në Bundesliga është vetëm 10 gola larg rekordit të Robert Lewandowski (41 në një sezon).

Qëndrimi i tij në “Allianz Arena” nuk vihet në dyshim, pasi nuk e aktivizoi klauzolën e largimit në janar. Megjithatë, Uli Hoeness paralajmëron: “Familja e tij ndihet mirë këtu, por në futboll nuk i dihet kurrë. Nëse vjen një klub arab me shumë para…”

Bayerni pagoi 95 milionë euro për të dhe, sipas Hoeness, vlera e tij është rritur: “Do të thoja 150 milionë, por nëse Isak vlen 150, atëherë Kane duhet të vlejë 250 milionë euro”.