Gjatë festës për “dopietën” sezonale të Interit, dy pankarta të shfaqura nga Marcus Thuram kanë shkaktuar polemika, sepse talleshin rëndë me Milanin. Sulmuesi francez mori pankartat nga tifozët dhe i ekspozoi gjatë festimeve, mbi autobusin e hapour, që parakaloi nëpër qytet, nga “San Siro” në “Duomo”.
THURAM ICONICO, SOLLEVA LO STRISCIONE: “I DERBY VINTI METTILO NEL CULO”. 🖤💙 pic.twitter.com/6WndEy31MP
— Solo ed esclusivamente INTER ⭐️⭐️ (@SoloEsclusivInt) May 17, 2026
Njëra prej tyre paraqiste një mi me fanellën kuqezi, ndërsa tjetra mbante shkrimin provokues: “Derbet e fituara futini në b*thë”. Episodi ka sjellë menjëherë në kujtesë një rast të ngjashëm të vitit 2007, gjatë festimeve të Champions-it nga Milani. Në atë kohë, Massimo Ambrosini kishte shfaqur pankartën: “Titullin (që atë sezon e fitoi Interi) futeni në b*thë”.
Për atë episod, mesfushori kuqezi u referua nga organet sportive dhe më pas pagoi gjobë, sipas marrëveshjes së bërë. Tani mbetet për t’u parë nëse edhe Thuram do të përballet me të njëjtin ndëshkim disiplinor.
