Dortmund ka fituar 0-2 në transfertë ndaj Mainz, për javën e pestë në Bundesligë. Verdhezinjtë e drejtuar nga Niko Kovac shënuan dy herë në pjesën e parë. Në minutën e 27-të, pas një aksioni model dhe asistit të Julian Brandt, suedezi Svensson gjen golin. Në minutën e 40-të, sërish një kombinim fantastik mes Adeyemi dhe Brandt, ku sulmuesi gjerman dyfishon shifrat.
Në 20 minutat e fundit, vendasit mbetën me një lojtar më pak. Dortmund merr fitoren e tretë rresht dhe renditet në vendin e dytë me 13 pikë, dy pikë më pak se Bayern.
Në ndeshjet e tjera, Leverkusen fitoi 1-2 në transfertë ndaj St.Pauli, Leipzig fitoi 0-1 në transfertë ndaj Wolfsburg. Heidenheim mposhti 2-1 në shtëpi Augsburgun. Leipzig renditet i treti me 12 pikë, Leverkusen në vendin e katërt me 8 pikë.
