Mbrojtësi i Interit, Denzel Dumfries, foli pas barazimit 2-2 ndaj Bologna dhe shprehu zhgënjimin për rezultatin: “Është e vështirë ta pranojmë këtë rezultat, sidomos kur e dimë që kishim mundësi të fitonim. Krijuam raste, por na mungoi saktësia në momente vendimtare. Nuk është ajo që prisnim nga kjo ndeshje”.

I pyetur për performancën personale dhe faktin që ka shënuar 3 gola deri tani, në vitin 2025, holandezi shtoi: “Nuk jam i kënaqur. Sigurisht, është mirë të shënosh, por për mua prioriteti është që ekipi të marrë rezultatet e duhura. Duhet të përmirësohemi dhe të jemi më të vendosur në ndeshjet e ardhshme”.

Mbrojtësi holandez gjithashtu theksoi rëndësinë e qëndrueshmërisë: “Duhet të punojmë fort në fushën stërvitore dhe të sigurohemi që të jemi më të fokusuar, sidomos në momentet kritike të lojës. Sezoni është i gjatë dhe gjithçka mund të ndodhë, por duhet të qëndrojmë të bashkuar”.