Atletico Madrid raportohet se është interesuar për nënshkrimin e mbrojtësit të Barcelona-s, Inigo Martinez.

Ata shpresojnë të nënshkruajnë me spanjollin pasi kërkojnë të sjellin mbrojtës të përshtatshëm për stilin e lojës së Diego Simeone.

Martinez doli nga akademia e Real Sociedad përpara se t’i bashkohej Athletic Bilbao-s në 2018. Pasi bëri 177 paraqitje në pesë vite me ta, ai iu bashkua Barcelona-s.

Inigo ka luajtur 59 ndeshje me Blaugranat, duke shënuar tre gola dhe duke dhënë pesë asiste.

33-vjeçari ka luajtur 34 ndeshje në të gjitha kompeticionet me Barçën këtë sezon dhe ka qenë një pjesë kyçe e skuadrës së Hansi Flick.

Megjithatë, me kontratën e tij që skadon në 2026 dhe duke marrë parasysh moshën e tij, klubi mund të shikojë ta shesë atë në verë.

Sipas Fichajes.net, Atletico Madrid po monitoron situatën e Martinez. Ata admirojnë aftësinë e tij në luftën në ajër dhe intensitetin gjatë mbrojtjes, gjë që i përshtatet filozofisë së Diego Simeone.