Aventura e Douglas Costa te Chievo në Serie D, ka zgjatur vetëm 6 muaj. Braziliani u transferua në janar si lojtar i lirë. Nuk ishte thjesht një transferim për qejf të themi, pasi anësori luajti 11 ndeshje për Chievon, duke kontribuar me një asist, por pa e ndimhuar dot të ngjitej në Serie C.
Megjithatë, 35-vjeçari tani ka nënshkruar kontratën me Al Ittifaq, ku do të ribashkohet me mikun e tij të ngushtë, Mario Balotellin.
Ishte pikërisht Balotelli ai që fillimisht ndihmoi në arritjen e marrëveshjes së brazilianit me Chievon në janar, duke vepruar si ndërmjetës me drejtorin Andrea Fulco.
Kjo ndodh edhe sepse sipërmarrësi italian Pietro Laterza zotëron si Chievon ashtu edhe Al Ittifaq, në Dubai, kategoria e dytë. Përveç shokut të tij të ngushtë, Balotelli do marrë me vete tek Al Ittifaq edhe vëllanë e tij, Enock Barwuah, i cili aktualisht luan për ekipin e Serie D, Desenzano.
