Mesfushori i Liverpool-it, Alexis Mac Allister, ka pohuar se do të donte shumë të luante përkrah yllit të Tottenham, Cristian Romero, te Reds.
Gjatë një bisede me TNT Sports, Mac Allister u pyet për të emëruar një yll që do të donte që klubi i tij aktual ta nënshkruante në të ardhmen. Asi i Liverpool-it u përgjigj:
“Oh, Cuti. Ai është një lojtar që e dua. Mënyra se si flet dhe luan, ndonjëherë të duket sikur është tepër sepse e bën gjithçka kaq të lehtë.
“Ai më jep besim. Për mua, ai ka qenë qendërmbrojtësi më i mirë në botë për disa vite. Van Dijk, me gjatësinë e tij, tashmë gëzon shumë respekt”.
Romero, 27 vjeç, konsiderohet si një nga qendërmbrojtësit më të mirë në botë për shkak të performancave të tij të shkëlqyera si për Tottenhamin ashtu edhe për Argjentinën. Ai ndihmoi Spurs të fitonte Europa League sezonin e kaluar.
Ai gjithashtu udhëhoqi ekipin e tij kombëtar drejt trofeut të Kupës së Botës 2022 dhe Copa America në vitet 2021 dhe 2024.
Që nga largimi nga Atalanta në verën e vitit 2021, Romero ka luajtur për Tottenhamin 124 ndeshje në total. Ai ka shënuar shtatë gola dhe ka dhënë tre asiste për ekipin londinez deri më tani.
