Piloti italian Marco Bezzecchi, që piloton me skuadrën e Mooney VR46 Team (motor Ducati), fitoi sot garën e Cmimit të Madh të Indisë në MotoGP. Ky është suksesi i dytë për Bezzecchi në karrierë, të dyja me skuadrën e legjendës Valentino Rossi, që këtë sezon është mes protagonistëve.
Një garë e domionuar nga Bezzecchi, që u shkëput që në fillim dhe mbërriti në finish me një avantazh prej 8 sekondash nga ndjekësit. I dyti u rendit spanjolli i Ducati Pramac, Jorge Martin, ndërsa në podium rikthehet pas një kohe shumë të gjatë edhe francezi i Yamaha, ish-kampioni i botës, Fabio Quartararo.
Kështu, kjo garë konfirmoi dominimin e motorit italian Ducati, por ai që zhgënjeu është kampioni i botës në fuqi, Franceco Bagnaia. Ai u rrëzua në këtë garë dhe tashmë rrezikon titullin, pasi ka vetëm 13 pikë avantazh ndaj Jorge Martin dhe 44 pikë epërsi ndaj Bezzecchi, ndaj dhe gara për titull është rihapur.