Pasi mori kryesimin e Premier League, skuadra e Arsenal do të nisë nga puna për ta mbrojtur atë. Duke nisur nga ndeshja e radhës ndaj Fulham, të shtunën pasdite.

Trajneri Mikel Arteta kërkon më shumë nga sulmuesi Viktor Gyokeres: “Ai i sjell kaq shumë ekipit. Duke parë ndeshjet përsëri, jam shumë i kënaqur me atë që po i jep ekipit”.

“I thashë para takimit të parë se numri 9 që dua është numri 9 që nuk shënon vetëm për gjashtë ose tetë ndeshje. Ai mund ta përballojë këtë. Nëse jo, duhet të shkojmë diku tjetër”, u shpreh Mikel Arteta.

“Sepse presioni dhe pritshmëria do të jenë aty. Pra, nëse vesh fanellën me numrin 9 për Arsenal, duhet të jesh në gjendje të thuash: gjashtë ndeshje që nuk shënoj, a do të jem një lojtar tjetër apo do të veproj në një mënyrë tjetër?”, tha trajneri spanjoll.

Në fund, Mikel Arteta karikon sulmuesin e ardhur këtë verë: “Dua shumë më tepër nga e njëjta gjë që po bën ai dhe kur të ketë shanse, t’i shfrytëzojë ato. Mendoj se do të ndodhë.”