Milan nuk do të mjaftohet vetëm me transferimin e Niclas Füllkrug, por do të bëjë edhe një goditje tjetër në sulm brenda merkatos së janarit, e cila mbyllet më datën 2 shkurt.

Kjo javë është shumë vendimtare për kuqezinjtë, pasi është mudnësia e fundit për të siguruar sulmuesin anësor, mjaft të kërkuar nga Max Allegri. Trajneri i kuqezinjve beson se është e nevojshme të përmirësohet cilësia në krahë dhe ka kërkuar një nënshkrim të fundit në këtë zonë të fushës nga drejtuesit e klubit.

Ende nuk bëhet i ditur ndonjë emër konkret, por Igli Tare dhe pjesa tjetër e drejtuesve të Milanit nuk kanë shumë kohë për të plotësuar kërkesën e Allegri-t.