Max Verstappen mund të largohet nga Formula 1 në fund të sezonit, dy vjet para se të skadojë kontrata e tij me Red Bull (2028). Ka shumë arsye pas këtij vendimi të mundshëm, duke filluar me rregulloret e reja që kampioni holandez nuk i pëlqen.

Verstappen nuk e ka fshehur kurrë këtë fakt, madje ai e përsëriti këtë pikë menjëherë pas garës në Japoni, ku përfundoi i teti pas një beteje të gjatë me Gasly (Alpine), i cili përfundoi përpara tij. “Nuk e vlerësoj më këtë Formula 1,” tha 28-vjeçari për BBC.

“A po mendoj të tërhiqem? Po reflektoj mbi gjithçka që po ndodh në këtë sport. Ka ende 22 gara dhe e pyes veten, a ia vlen, apo do të preferoja të rrija në shtëpi me familjen time, të shihja miqtë e mi, pasi nuk po argëtohem më”, tha më tej 4 herë kampioni i botës.

Holandezi pohoi se nuk janë rezultatet zhgënjyese që e rëndojnë: “E di që nuk mund të fitosh ose të luftosh për podium çdo herë, por unë nuk po argëtohem. Mundohem të përshtatem, por mënyra se si duhet të garosh nuk është e mirë”.

“Është kundërproduktive për drejtimin tënd dhe në një moment të caktuar, mendoj se nuk është ajo që dua të bëj më. Mendoj se është mirë të fitosh dhe të fitosh para, por dua të jem këtu për t’u argëtuar, për të kaluar mirë dhe për të shijuar garën. Nuk është realisht kështu për momentin“, përfundoi Verstappen.