Heimir Hallgrimsson, trajneri i Irlandës, komentoi kartonin e kuq të Cristiano Ronaldos në fitoren 2-0 të të të tijve në Dublin, çka e shtyu mundësinë e Portugalisë për kualifikim të drejtpërdrejtë në Botëror.

Hallgrimsson tregoi për shkëmbimin e batutave me Ronaldon para se ai të largohej nga fusha: “Më falenderoi për presionin që i bëra gjyqtarit. Kartoni i kuq erdhi për veprimin e tij në fushë, nuk ka lidhje me mua, përveç nëse ndoshta i futa diçka në kokë”.

Për pyetjen nëse kishte folur më pas me Ronaldon, trajneri tha: “Jo, kemi folur mjaft kur u largua nga fusha. Nuk kishte asgjë për të diskutuar mes nesh. Ishte thjesht një moment i vogël budallallëku nga ana e tij”.

Hallgrimsson i dha situatës një ton ironik, duke theksuar se kartoni i kuq ishte rezultat i veprimit të kapitenit portugez, jo nga ndonjë ndikimi i jashtëm.