Paris FC, klub i blerë së fundmi nga familja multi-miliardere Arnault dhe Red Bull, po përgatitet të bëjë Stade Jean-Bouin shtëpinë e saj të re, drejtpërdrejt përballë Parc des Princes sepse ne fakt 100 metra i ndajne dy stadiumet.
Njoftimi, i bërë të mërkurën, zbulon se Paris FC, që aktualisht garon në Ligue 2, do të fillojë të luajë në Jean-Bouin në fillim të sezonit 2025-26, sipas një marrëveshjeje që do të zgjasë të paktën deri në vitin 2029.
Në një deklaratë, Paris FC konfirmoi: “Stade Français Paris dhe Paris FC janë të kënaqur të njoftojnë se kanë arritur një marrëveshje duke e bërë Jean-Bouin stadiumin vendas të Paris FC. Stade Français do të mbetet klubi rezident dhe përdoruesi kryesor i objektit.”
Antoine Arnault, kreu i klubit, theksoi se sigurimi i kësaj marrëveshjeje ishte një prioritet për familjen e tij, me synimin për t’u ofruar mbështetësve, partnerëve dhe shikuesve mjedisin perfekt për të shijuar ndeshjet e Paris FC.
Më parë, PFC kishte kërkuar për një alternativë ndaj Stade Charléty, e cila u konsiderua e papajtueshme me ambiciet në rritje të klubit, duke pasur parasysh praninë e pistës së atletikës dhe mungesën e kutive të mikpritjes. Arnault vuri në dukje:
“Në këtë kontekst të ri, klubi do të nisë një epokë të re, duke u fokusuar në përfundimin me sukses të historisë së sezonit të tyre të fundit në Charléty”.
Stadiumi Jean-Bouin do të bëhet, në muajt në vijim, një nga pikat e referencës së sportit në Paris, ku do të zhvillohen si ndeshjet e rugbit të Stade Français Paris ashtu edhe ndeshjet e futbollit të Paris FC. Këtu do të lëvizë klubi i blerë së fundmi nga familja Arnault dhe në të cilin është bërë pjesë edhe gjiganti austriak Red Bull me pakicë.
