Arbitri i gjysmëfinales së Ligës së Kampionëve në “Bernabeu” u kryqëzua nag bavarezët, por edhe mediat e ndryshme europiane. Tashmë, polakut i ka dalë një video ku ka një çantë të vogël të Real Madridit në dhomat e zhveshjes.
Videoja u shpërnda jo nga një llogari që iu atribuohet tifozëve të Bayern Munich, por nga një tjetër, që ndjek ngjarjet e Barcelonës, duke i dhënë kështu hapësirë të madhe rivalitetit dhe insinuatave më të nxehta nga qarqet katalanase.
Seguid a @Zona_Blaugrana pic.twitter.com/K2YSljJeTu
— Seguid a @Zona_Blaugrana (@ZB_media_30) May 9, 2024
Në sekuencë mund të shihni gjyqtarin Marciniak duke buzëqeshur dhe duke iu përgjigjur një bashkëbiseduesi, në një atmosferë shumë të relaksuar. Midis efekteve personale të vendosura në një tavolinë, bie në sy edhe një çantë e vogël e gjërave personale me logon e “Los Blancos”.
Kini kujdes, megjithatë. Kjo video nuk i referohet ndeshjes së kthimit të luajtur të mërkurën e kaluar, e karakterizuar nga polemikat e forta arbitrale që u ngritën në fund të lojës për shkak të një pozicioni jashtë loje, të raportuar herët (dhe të fishkëllyer) nga kryesori polak, që pengoi aksionin e mundshëm të golit të gjermanëve (Matthijs de Ligt shënoi për 2-2) dhe certifikimin e tij, ose jo me VAR.
Ka edhe një aspekt tjetër për të sqaruar. Para së gjithash, posedimi i çantës me stemën e një klubi të caktuar nuk është krim dhe as diçka për t’u fajësuar (apo edhe për t’u sanksionuar) me rregullore. Dhe sigurisht që nuk mund të interpretohet si dëshmi e një përpjekjeje për korrupsion apo favorizim.
Është vetëm një nga pajisjet (duke përfshirë çanta shpine, ose objekte të tjera, kuti lapsash) që janë pjesë e asaj serie dhuratash të mundshme, me vlerë modeste, që të gjitha klubet mund t’ua japin zyrtarëve të ndeshjeve në shenjë mikpritjeje.
Atëherë, pse po bën kaq shumë bujë kjo video? Kjo vjen nga episodet e debatueshme të ndodhura në pjesën e dytë të ndeshjes Real Madrid-Bayern Munich, e cila falë dopietës së Joselu pa të përmbysej rezultati dhe skuadra që shkoi në finalen e “Wembley”.
