Piloti spanjoll i Honda, Marc Marquez, siguroi sot “pole position” në pistën e Portimao, e vlefshme për garën e Cmimit të Madh të Portugalisë në MotoGP. Kjo është gara e parë sezonale, ndërkohë që sot do të zhvillohet fillimisht gara sprint.
Marquez ndali kronometrin në 1’37”226, duke qenë më i shpejti në pistë. Ai la pas kampionin e botës në fuqi, italianin e Ducati, Francesco Bagnaia. Vija e parë e nisjes kompletohet me spanjollin Jorge Martin, me Ducati Pramac.
Koha e Marquez befasoi të gjithë, ashtu sikurse paraqitja e tij, por Bagnaia është pranë tij. Ndaj, sot në garën sprint dhe nesër në garën zyrtare, pritet një duel i fortë mes tyre.
You can NEVER count @marcmarquez93 out! 🔥#PortugueseGP 🇵🇹 pic.twitter.com/wAt523IV2F
— MotoGP™🏁 (@MotoGP) March 25, 2023