Pavarësisht se Bayern Munich ka mohuar vazhdimisht dhe i konsideron thjesht si thashetheme zërat në lidhje me një largim të mundshëm të Michael Olise, duket se brenda gjithë kësaj zhurmaje mund të ketë diçka të vërtetë.

Sipas El Debate, Real Madrid jo vetëm që nuk ka hequr dorë nga ideja e transferimit të Olise, por po përgatit një ofertë historike, që do të tejkalonte rekordin e vendosur nga Neymar në vitin 2017 kur u largua nga Barcelona te PSG për 222 milionë euro.

Sipas raportimit në fjalë, Real Madrid është i gatshëm të paguajë 190 milionë euro direkt për francezin dhe rreth 40 milionë euro të tjera bonuse, duke shkuar në një ofertë rreth 230 milionë euro. Vetë Olise, i cili për momentin është totalisht i fokusuar te Kupa e Botës me Francën, ka lënë të kuptohet gjatë një interviste të fundit se menjëherë pas përfundimit të Botërorit do të ulet për të biseduar me drejtuesit e Bayernit për të vendosur për të ardhmen e tij.