Në Algjeri vijojnë Lojërat Mesdhetare “Oran 2022”, ku deri më tani Shqipëria ka fituar një medalje të artë dhe një të bronztë. Të dyja këto medalje kanë ardhur nga sporti i mundjes (Zelimkhan Abakarov i artë dhe Islam Dudaev i bronztë).
Një tjëtër mundës që ka sunuar medalje është Osman Hajdari, që në peshën 86kg të stilit të lirë garonte për të bronztën. Ai u mund në tapet 6-1 nga greku Chorais Charalambos, duke mos marrë dot medalje.
Një tjetër humbje ka ardhur në sportin e tenisit. Gresi Bajri u mund 2-0 (6-1, 6-2) nga Zeynep Sonmez e Turqisë, duke u eliminuar. Ky sport nuk ishte shumë rezultativ, teksa u regjistruan vetëm humbje për kuqezinjtë.
Mundësitë për një tjetër medalje sot janë në sportin e gjimnastikës, ku në finalen e garës së kalit me doreza do të garojë Matvei Petrov. Ai bëri një paraqitje të mirë në eliminatore, duke u klasifikuar mes 8 finalistëve.
