Edhe pse kaloi e para në avantazh, Fiorentina është mundur 1-2 nga Como në “Artemio Franchi”, ndeshje e vlefshme për javën e katërt në Serie A. Mandragora kaloi vendasit në avantazh që në minutën e pestë, me një goditje të fuqishme pëherë herë të dytë, pasi goditja e dënimit u përplas në murin e Como-s.
Pjesa e parë u mbyll 1-0 për Fiorentinën. Përmbysja e madhe e Como-s erdhi në pjesën e dytë. Në minutën e 65-të, Nico Paz kroson nga goditja e dënimit, Marc Oliver Kempf shënon me kokë duke barazuar shifrat.
Në minutën e 90+4, Como shënon golin e përmbysjes dhe fitores së madhe me Jayden Addai. Lojtari i ndeshjes? Sigurisht, Nico Paz, i vlerësuar me notën 9.6. Fiorentina e drejtuar nga Stefano Pioli renditet në vendin e 17-të me 2 pikë në 4 ndeshje.
Ish-trajneri i Milanit rrezikon shumë stolin. Në anën tjetër, Como e Fabregas vazhdon të jetë në rrugën e duhur këtë sezon, ku synimi madhor është kualifikimi për në Kupat e Europës.
